278. La Poya

(ou: La Montée à l’Alpage)
Chant polyphonique, Suisse. Traditionnel du canton de Fribourg.
La version présentée ici est celle en patois.

1.
La nê ch'in va di montanyè
Ti lè j'abrô chon flyori
L'êrba crè din lè campanyè
Lè riondênè chon rè pri. Youhê!
Lè riondênè chon rè pri.

Adjuchtadè lè chenalyè
Ou cou dè voûthrè j'armalyè
Incotchîdè voûthrè loyi
Galè j'armalyi
Dyôra, dyôra, fô poyi.

2. 
On vi pêrto pè lè rotsè
Vêrdêyi lè botsalè
On-n-oû pêrto din lè j'adzè
Tsantolâ lè j'ojalè. Youhê!
Tsantolâ lè j'ojalè.
Adjuchtadè lè chenalyè...

3.
Le grô tigna dè montanyè
Fa rèïuva dou tropi
Rapêrtsè totè chè bagnè
Mè to chon mondo chu pi. Youhê!
Mè to chon mondo chu pi.
Adjuchtadè lè chenalyè...

4.
Du le gran matin l'arihyanna
Ly'incontsè le dèdzon non,
È la pitita Marianna
Tracuè mé tyè dè réjon. Youhê!
Tracuè mé tyè dè réjon.

Adjuchtadè lè chenalyè
Ou cou dè voûthrè j'armalyè
Incotchîdè voûthrè loyi
Galè j'armalyi
Dyôra, dyôra, fô poyi.

5.
Lè j'ethrâbl' anfin chè vudyon
Lè bîth' chalyon in dzilyin
Lè j'armalyi lè j'aculyon
È lè tyiron n'alôbin. Youhê!
È lè tyiron n'alôbin.
Adjuchtadè lè chenalyè...

6.
Chu lè mon, pê lè vanil
Din lè dza, din lè patyî
Diu bene_chè le tropi!
Lè buébo, lè j'armalyi! Youhê!
Lè buébo, lè j'armalyi!

Acutâdè lè chenalyè
Ou cou dè voûthrè j'armalyè
Tappâdè voûthrè loyi
Galè j'armalyi!
O tyin dzouïo dè poyi.