Poème épique, Ecosse. Traditionnel.

1.
Johnny got up on a May mornin'
Called for water to wash his hands
Says "Gie loose tae me my twa grey dugs
That lie in iron bands"

2.
Johnny's mother she heard o' this
Her hands for dool she wrang
Sayin' "Johnny for your venison
Tae the greenwood dinnae gang"

3.
But Johnny has ta'en his guid bend bow
His arrows one by one
And he's awa' tae the greenwood gane
Tae ding the dun deer doon

4.
Noo Johnny shot and the dun deer leapt
And he wounded her in the side
And there between the water and the woods
The grey hounds laid her pride

5.
They ate so much o' the venison
They drank so much o' the blood
That Johnny and his twa grey dugs
Fell asleep as though were deid

6.
Then by there cam' a silly auld man
An ill death may he dee
For he's awa' tae Esslemont
The foresters for tae see

7.
As I cam' in by Monymusk
Doon among yon scruggs
Well there I spied the bonniest youth
Lyin' sleepin' atween twa dugs

8.
The buttons that were upon his sleeve
Were o' the gowd sae guid
And the twa grey hounds that he lay between
Their mouths were dyed wi' blood

9.
Then up and jumps the first forester
He was captain o' them a'
Sayin "If that be Johnny o' Braidislee
Unto him we'll draw"

10.
The first shot that the foresters fired
It hit Johnny on the knee
And the second shot that the foresters fired
His heart's blood blint his e'e

11.
Then up jumps Johnny fae oot o' his sleep
And an angry man was he
Sayin "Ye micht have woken me fae my sleep
Ere my heart's blood blint my e'e"

12.
But he's rested his back against an oak
His fit upon a stane
And he has fired at the seven o' them
He's killed them a' but ane

13.
He's broken four o' that one's ribs
His airm and his collar bane
And he has set him upon his horse
Wi' the tidings sent him hame

14.
But Johnny's guid bend bow is broke
His twa grey dugs are slain
And his body lies in Monymusk
His huntin' days are dane