276. Seignor, sachiez, qui or ne s’en ira
(Seigneurs sachiez)
Chant de croisades, France. Attribué à Thibaut de CHAMPAGNE (1201-1253).
1.
Seigneur, sachiez, qui or ne s’en ira
En celle terre où Dieu fut mort et vis
Et qui la croix d’outremer ne penra
A peines mais ira en paradis
Qui a en soi pitié ne remembrance
Au Haut Seigneur doit querre sa vengeance
Et délivrer sa terre et son païs
2.
Tuit li mauvais demeurront par deçà
Qui n’aiment Dieu, bien ne honor ne pris
Et chacun dit: ma femme, que fera?
Je ne lairoie a nul, fuèr mes amis!
Cil sont cheoit en trop folle attendance
Qu’il n’est amis fuèr que cil, sans doutance
Qui pour nous fut en la vraie croix mis
3.
Or s’en iront, cils vaillants bacheliers
Qui aiment Dieu et l’onour de ce mont
Qui sagement veulent à Dieu aller
Et li morveux, li cendreux demeurront
Aveugles sont, de ce ne doute je mie
Qui y secours ne fait Dieu en sa vie
Et pour si peu perd la gloire du mont
4.
Dieu se laissa pour nos en croix peiner
Et nous dira au jour où tuit vanront:
- Vous qui ma croix m’aidastes a porter
Vous en irez là ou mi angles sont
Là me verrez et ma mere Marie
et vous par qui je n’ouïs onques aïe
Descendrez tuit en enfer lès parfonds!
5.
Chascuns cuide demeurer tous haïtiez
Et que jamais ne doïe mal avoir
Ainsi les tient anemis et péchés
Que ils n’ont sens, hardiment ne pouvoir
Biau sire Dieu, ôtez leur telle pensée
Et nos mettez en la vostre contrée
Si saintement que vos puissions veoir
6.
Douce Dame, roïne couronée
Priez por nos, vierge bien eoûrée
Et puis après ne nos puet mescheoir
